આવી ગઈ હવામાન વિભાગની નવી નકોર આગાહી, આગામી 48 કલાકમાં ગુજરાતના આ જિલ્લાઓમાં ભારે પવન સાથે પડશે ધોધમાર વરસાદ…
ગુજરાતમાં હાલ વરસાદી માહોલ છવાયો છે. રવિવારે ગુજરાતના 72 તાલુકામાં વરસાદ નોંધાયો હતો. જેમા સૌથી વધુ વરસાદ તાપીના ડોલવણમાં પોણા 4 ઈંચ જેટલો વરસાદ (90 એમએમ) નોંધાયો હતો. ત્યારે હવામાન વિભાગે આજની આગાહીમાં જણાવ્યુ છે કે, રાજ્યમાં આગામી 7 દિવસ વરસાદ પડશે. આ સાથે તેમણે જણાવ્યુ કે, આગામી 48 કલાકમાં ગુજરાતમાં ચોમાસું દસ્તક આપશે.
હવામાન વિભાગના મોસમ વૈજ્ઞાનિક, રામાશ્રય યાદવે આજે ગુજરાતના હવામાન અંગે આગાહી કરી છે. જેમા તેમણે જણાવ્યુ છે કે, આજે દક્ષિણ ગુજરાતના મોટાભાગના વિસ્તારોમાં હળવાથી સામાન્ય વરસાદની આગાહી છે.
તેમણે જણાવ્યુ કે, આજે દક્ષિણ ગુજરાતના તમામ જિલ્લાઓમાં વરસાદ થશે આ સાથે સાબરકાંઠા, ગાંધીનગર, અરવલ્લી, ખેડા, અમદાવાદ ,આણંદ, પંચમહાલ ,દાહોદ ,મહીસાગરમાં ગાજવીજ સાથે સામાન્ય વરસાદની આગાહી છે. સૌરાષ્ટ્રમાં, જુનાગઢ, અમરેલી, ભાવનગર, ગીર સોમનાથ, બોટાદ, દીવમાં ગાજવીજ સાથે સામાન્ય વરસાદની આગાહી કરવામાં આવી છે.
હવામાન વિભાગે એમ પણ જણાવ્યુ છે કે, બુધવારે દક્ષિણ અને ઉત્તર ગુજરાતના કેટલાક ભાગોમાં છૂટાછવાયા સ્થળો પર હળવો વરસાદ થવાની આગાહી કરવામાં આવી છે. સાબરકાંઠા, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર અને દક્ષિણ ગુજરાતના તમામ જિલ્લાઓમાં તથા સૌરાષ્ટ્રના જુનાગઢ, અમરેલી, ભાવનગર, ગીર સોમનાથમાં વીજળીના ચમકારા સાથે હળવા વરસાદની આગાહી કરવામાં આવી છે.
આ સાથે તેમણે જણાવ્યુ છે કે, ત્રીજા અને ચોથા દિવસે છૂટાછવાયા સ્થળો પર સામાન્ય વરસાદ થઇ શકે છે. નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરાનગર હવેલી તથા જુનાગઢ, અમરેલીમાં વીજળીના ચમકારા સાથે હળવા વરસાદની આગાહી કરવામાં આવી છે.
રામાશ્રય યાદવના જણાવ્યા પ્રમાણે, પાંચમા દિવસે છૂટાછવાયા સ્થળો પર સામાન્ય વરસાદ થઇ શકે છે. સુરત, ડાંગ, નવસારી, વલસાડ, તાપી, દમણ, દાદરાનગર હવેલી, જુનાગઢ, અમરેલી, ભાવનગર, ગીર સોમનાથ, દિવમાં હળવા વરસાદની આગાહી કરવામાં આવી છે.