જાગતા રહેજો, આજે રાત્રે ગુજરાતના આ જિલ્લાઓમાં અંધારામાં આભ ફાટશે, ભારે વરસાદની હવામાન વિભાગની કાળમુખી આગાહી…

24 કલાકમાં ગુજરાતના ઘણા વિસ્તારોમાં ભારે વરસાદ પડ્યો છે. આવતી કાલે પણ હવામાન વિભાગ દ્વારા વરસાદની આગાહી કરવામાં આવી છે. આજે રાત્રે પણ ઘણા વિસ્તારોમાં ભારે વરસાદની શક્યતા છે.

આજે રાત્રે ભારે વરસાદની શક્યતા છે. દક્ષિણ ગુજરાતના જિલ્લાઓમાં ભારે વરસાદનું એલર્ટ આપવામાં આવ્યું છે. ખાસ કરીને 3 જિલ્લામાં વરસાદનું રેડ એલર્ટ આપવામાં આવ્યું છે. જેમાં સુરત, વલસાડ અને નવસારીનો સમાવેશ થાય છે. આ જિલ્લાઓના છૂટાછવાયા સ્થળો પર અત્યંત ભારે વરસાદની આગાહી કરવામાં આવી રહી છે.

ભાવનગર, ડાંગ, તાપી, ભરૂચ, નર્મદા, છોટા ઉદેપુર, વડોદરા, આણંદ, ખેડા, અરવલ્લી, સાબરકાંઠા અને બનાસકાંઠામાં ઓરેન્જ એલર્ટ આપવામાં આવ્યું છે. આ જિલ્લાઓમાં ભારેથી અતિભારે વરસાદની શક્યતા છે. આ સિવાય દેવભૂમિ દ્વારકા, જામનગર, પોરબંદર, રાજકોટ, જુનાગઢ, મોરબી, સુરેન્દ્રનગર, બોટાદ, અમરેલી, ગીર સોમનાથ, અમદાવાદ, ગાંધીનગર, મહેસાણા, પાટણ, કચ્છ, મહીસાગર, પંચમહાલ અને દાહોદમાં યલો એલર્ટ સાથે ભર વરસાદની શક્યતા છે.

આવતી કાલે વરસાદના વિસ્તારમાં ઘટાડો જોવા મળશે. છતાં દક્ષિણ ગુજરાતના જિલ્લામાં વરસાદની આગાહી કરવામાં આવી છે. દક્ષિણ ગુજરાત સિવાય બીજા કોઈ જિલ્લામાં વરસાદનું એલર્ટ નથી. સુરત, નવસારી, તાપી, ડાંગ અને વલસાડમાં યલો એલર્ટ જાહેર કરાયું છે. આ જિલ્લાના છુટા છવાયા વિસ્તારોમાં ભારે વરસાદની આગાહી કરાઈ છે.