હવે નક્કી જળહોનારત થશે, ગુજરાતના આ જિલ્લાઓમાં ભારેથી અતિભારે વરસાદની હવામાન વિભાગની પાળા તોડે એવી આગાહી…

ગુજરાતમાં નબળું પડેલું નૈઋત્યનું ચોમાસું હવે ફરી સક્રિય થયું છે. આજે ગુજરાતના અનેક વિસ્તારોમાં મેઘ મહેર વર્ષી હતી. ત્યારે હજી ત્રણ દિવસ રાજ્યના કેટલાક વિસ્તારોમાં ભારેથી અતિભારે વરસાદની આગાહી કરવામાં આવી છે. સોમવારે કરેલી હવામાન વિભાગની અગાહી અનુસાર ગુજરાતમાં આગામી છ દિવસ એટલે કે 29મી જૂન સુધીમાં વરસાદની આગાહી કરવામાં આવી છે. જેમાં આગામી બે દિવસ અમુક જિલ્લામાં ભારે વરસાદની તો કેટલાક જિલ્લાઓમાં અતિભારે વરસાદની શક્યતા વ્યક્ત કરવામાં આવી છે.

અમદાવાદ હવામાન વિભાગના ડાયરેક્ટર એ. કે. દાસના જણાવ્યા પ્રમાણે, ગુજરાતમાં બે દિવસ સાર્વત્રિક વરસાદ થશે. આ સાથે દરિયાકાંઠાના વિસ્તારોમાં સામાન્ય વરસાદ થવાની શક્યતા છે. દક્ષિણ ગુજરાતમાં આગામી ત્રણ દિવસ સુધી ભારેથી અતિ ભારે વરસાદ થશે.

હવામાન વિભાગ પાસેથી મળતી માહિતી પ્રમાણે, 25 જૂનના રોજ નર્મદા, સુરત, ડાંગ જિલ્લામાં ભારેથી અતિ ભારે વરસાદ જ્યારે ભરૂચ, નવસારી, અમરેલી, ગીર સોમનાથમાં ભારે વરસાદ જ્યારે દમણ, દાદરા નગર હવેલી, વડોદરા, છોટાઉદેપુર, અને સૌરાષ્ટ્ર રિજનમાં રાજકોટ, જામનગર, દ્વારકામાં મધ્યમ વરસાદની આગાહી કરવામાં આવી છે.

26 જૂનના રોજ દાહોદથી છોટાઉદેપુરમાં ભારેથી અતિભારે જ્યારે ઉત્તર ગુજરાત, સૌરાષ્ટ્ર અને કચ્છમાં ભારે વરસાદની આગાહી કરવામાં આવી છે. 27 જૂનના રોજ બનાસકાંઠા અને સાબરકાંઠામાં ભારે વરસાદની આગાહી આપાવમાં આવી છે.