સાંજ સુધીમાં આ 15 જિલ્લાઓમાં પડશે ગાજવીજ સાથે ભારે વરસાદ, હવામાન વિભાગે જાહેર કરી આગાહી…
હવામાન વિભાગના જણાવ્યા અનુસાર, અરવલ્લી, પંચમહાલ, સુરત, નવસારી, દાહોદ, મહીસાગર, વડોદરા, છોટાઉદેપુર, ડાંગ, દમણ, વલસાડ, દાદરા નગર હવેલી, દમણ તથા સૌરાષ્ટ્રના પોરબંદર, ભાવનગર, જુનાગઢ, અમરેલી, ગીર સોમનાથ અને દીવમાં છૂટાછવાયા સ્થળો પર ગાજવીજ સાથે હળવાથી સામાન્ય વરસાદની શક્યતા રહેલી છે.
હવામાન વિભાગના જણાવ્યા અનુસાર, મંગળવાર અને બુધવારે ઉત્તર અને દક્ષિણ ગુજરાતના તમામ જિલ્લાઓમાં તથા સૌરાષ્ટ્રના તમામ જિલ્લાઓમાં છૂટાછવાયા સ્થળો પર ગાજવીજ સાથે હળવાથી સામાન્ય વરસાદની શક્યતા છે, ગુજરાતમાં 7 દિવસ તાપમાનમાં કોઇ મોટો ફેરફાર જોવા નહીં મળે. અમદાવાદ અને ગાંધીનગરમાં આગામી 24 કલાકમાં 39 ડિગ્રી તાપમાન રહેવાની શક્યતા છે.
ગુજરાતમાં ચોમાસા અંગે હવામાન વિભાગે જણાવ્યુ કે, ચોમાસું હાલ નવસારી ઉપર સ્થિત છે. રાજ્યમાં હાલ જે વરસાદ પડી રહ્યો છે તે ઉત્તર ગુજરાતમાં સ્થિત સાયક્લોનિક સરક્યુલેશનને કારણે પડી રહ્યો છે. અમદાવાદના વરસાદ અંગેની વાત કરતા જણાવ્યું કે, આજે અમદાવાદમાં વરસાદની આગાહી નથી.
આજે ક્યાં કયાં જિલ્લામાં વરસાદની આગાહી
દક્ષિણ ગુજરાતના તમામ જિલ્લાઓ તથા પંચમહાલ, દાહોદ, અરવલ્લી, પોરબંદર, જુનાગઢ, અમરેલી, ભાવનગર, ગીર સોમનાથ અને દીવમાં છૂટાછવાયા સ્થળો પર ગાજવીજ સાથે હળવાથી સામાન્ય વરસાદ પડવાની આગાહી છે.