મેચના 24 કલાક પહેલા ટીમ ઇન્ડિયાની સંભવિત પ્લેઇંગ 11 થઈ નક્કી, જાણો રોહિત શર્માએ કોને આપ્યું સ્થાન અને કોનું પત્તું કાપ્યું…..

ટીમ ઇન્ડિયા હાલ બાંગ્લાદેશના પ્રવાસ પર છે. જ્યાં ત્રણ મેચોની વનડે સિરીઝ ચાલી રહી છે. જેની પ્રથમ મેચ 4 ડિસેમ્બરના રોજ રમાઈ હતી. ત્યાર બાદ હવે બીજી વન-ડે મેચ 7 ડિસેમ્બરના રોજ રમવાની છે. પ્રથમ વનડે મેચમાં બાંગ્લાદેશે ભારતને 1 વિકેટે હરાવ્યું હતું. ટીમ ઇન્ડિયાને સમગ્ર સિરીઝ પર વિજય મેળવવા માટે આગામી બંને મેચો જીતવી ખૂબ જ અગત્યની બની ગઈ છે. જેને કારણે હાલ ટીમમાં ઘણા બદલાવો કરવામાં આવ્યા છે.

પ્રથમ વન ડે મેચમાં ભારતની બેટિંગ લાઇન ખૂબ જ ખરાબ રહી હતી. બોલિંગમાં પણ કંઈ ખાસ પ્રદર્શન દેખાડી શક્યા નહીં. તેના કારણે રોહિત શર્મા આગામી બીજી વન-ડે મેચમાં દયા રાખશે નહીં અને ખરાબ પ્રદર્શન કરતા ખેલાડીઓને તાત્કાલિક ટીમમાંથી બહાર કરશે. તાજેતરમાં જ તેણે સંભવિત પ્લેઇંગ 11 વિશે માહિતી આપી હતી. ચાલો જાણીએ બીજી વન-ડે મેચમાં રોહિત શર્માએ કોને ટીમની પ્લેઇંગ 11માં આપ્યું સ્થાન અને કોનું પત્તું કાપ્યું.

બીજી વનડે માટે સૌ પ્રથમ ઓપનિંગ બેટ્સમેન વિશે વાત કરીએ તો રોહિત શર્મા અને શિખર ધવન પ્રથમ ઓપનિંગ કરવા માટે મેદાને ઉતરશે. ઓપનિંગ કરવામાં આ જોડી ઘણું સારું પ્રદર્શન કરી રહી છે તો આ સાથે જ બંનેએ ઘણા રેકોર્ડ પણ બનાવ્યા છે. ત્યારબાદ નંબર 3 પર ટીમ ઇન્ડિયાનો સ્ટાર બેટ્સમેન વિરાટ કોહલી આવશે. વિરાટ કોહલી એશિયા કપ પછી નંબર ત્રણ પર ખૂબ જ જોરદાર પ્રદર્શન દેખાડી રહ્યો છે.

ટીમ ઇન્ડિયાની મિડલ બેટ્સમેન લાઈન વિશે વિગતવાર વાત કરીએ તો નંબર 4 પર ટીમ ઇન્ડિયાનો સ્ટાર બેટ્સમેન શ્રેયસ ઐયર બેટિંગ કરતો જોવા મળશે. ત્યારબાદ નંબર 5 પર કેલ રાહુલ બેટિંગ કરતો નજરે પડશે. કે એલ રાહુલે પ્રથમ મેચમાં ખૂબ જ સારું પ્રદર્શન દેખાડ્યું હતું. વિકેટકીપર બેટ્સમેન તરીકે પણ પોતાની ભૂમિકા ભજવી રહ્યો છે. ત્યારબાદ ઓલરાઉન્ડર બેટ્સમેન તરીકે નંબર 6 પર શાહબાઝ અહમદના સ્થાને અક્ષર પટેલને મોટું સ્થાન આપવામાં આવ્યું છે. ઉપરાંત નંબર 7 પર વોશિંગ્ટન સુંદરને મોટું સ્થાન આપવામાં આવ્યું છે. બેટિંગ લાઇનની સંપૂર્ણ જવાબદારી આ બેટ્સમેનોને સોંપવામાં આવી છે.

બાંગ્લાદેશ પ્રવાસ પર ટીમ ઇન્ડિયાની બોલિંગ લાઈનમાં પણ ઘણા ફેરફારો કરવામાં આવ્યા છે. ફાસ્ટ બોલર તરીકે મોહમ્મદ સિરાજ, દીપક ચહર, શાર્દુલ ઠાકુર, કુલદીપ સેનને મોટું સ્થાન આપવામાં આવ્યું છે. આ તમામ ખેલાડીઓ પર બોલિંગ લાઇનની તમામ જવાબદારીઓ સોંપવામાં આવી છે. આ બોલરો ઘણી વિકેટો લેવાની ક્ષમતા ધરાવે છે. જેને કારણે મેચ સરળતાથી જીતી શકાય છે. આગામી બંને મેચો જીતવી ખૂબ જ જરૂરી છે.